Pind Thatta ਠੱਟਾ ਸ਼ਹਿਰ ਨਗੀਨਾ, ਆਇਆ ਇੱਕ ਦਿਨ, ਰਹਿ ਗਿਆ ਮਹੀਨਾ।
ਪਿੰਡ ਠੱਟਾ ਨਵਾਂ ਦੇ ਮੂਲ ਨਿਵਾਸੀ ਅਤੇ ਉੱਘੇ ਸਮਾਜ ਸੇਵੀ ਸੁਖਜਿੰਦਰ ਸਿੰਘ ਸੁੱਖੀ ਅਮਰੀਕਾ (ਕੈਲੇਫੌਰਨੀਆ) ਦੇ ਸ਼ਹਿਰ ਕੈਰਨ ਕਾਊਂਟੀ ਤੋਂ ਯੂਥ ਅਕਾਲੀ ਦਲ (ਬਾਦਲ) ਦੇ ਮੀਤ ਪ੍ਰਧਾਨ ਨਿਯੁਕਤ ਹੋਏ ਹਨ। ਜਿਕਰਯੋਗ ਹੈ ਕਿ ਸੁਖਜਿੰਦਰ ਸਿੰਘ ਸੁੱਖੀ ਪਿੰਡ ਠੱਟਾ ਨਵਾਂ ਦੇ ਸਾਬਕਾ ਮੈਂਬਰ ਪੰਚਾਇਤ ਬਚਨ ਸਿੰਘ ਫੌਜੀ ਦੇ ਸਪੁੱਤਰ ਹਨ ਅਤੇ ਤਕਰੀਬਨ 20 ਸਾਲ ਤੋਂ ਅਮਰੀਕਾ ਵਿੱਚ ਖੁਸ਼ਹਾਲ ਜੀਵਨ ਬਤੀਤ ਕਰ ਰਹੇ ਹਨ। ਆਪ ਅਮਰੀਕਾ ਵਿੱਚ ‘ਸੁੱਖੀ ਮਿਊਜੀਕਲ ਗਰੁੱਪ’ ਵੀ ਚਲਾ ਰਹੇ ਹਨ। ਪਿੰਡ ਦੇ ਵਿਕਾਸ ਅਤੇ ਲੋੜਵੰਦਾਂ ਦੀ ਮਦਦ ਲਈ ਹਰ ਵੇਲੇ ਤਤਪਰ ਰਹਿਣ ਵਾਲੇ ਸੁਖਜਿੰਦਰ ਸਿੰਘ ਨੇ ਫੋਨ ‘ਤੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਉਹ ਪਾਰਟੀ ਵੱਲੋਂ ਮਿਲੀ ਇਸ ਜਿੰਮੇਵਾਰੀ ਨੂੰ ਤਨਦੇਹੀ ਨਾਲ ਨਿਭਾਉਣਗੇ।
