ਮੁਲਕ ਆਪਣੇ ‘ਚ ਛੱਡ ਚੰਗੀ ਭਲੀ ਸਰਦਾਰੀ, ਇੱਥੇ ਕਰਾਂ ਹੁਣ ਮਜਦੂਰੀ ਗਈ ਮੱਤ ਮੇਰੀ ਮਾਰੀ।

11

Dalwinder Thatte wala

ਬੜੇ ਯਾਦ ਆਉਂਦੇ ਬੋਲ,
ਜਾਂਦੀ ਵਾਰ ਜੋ ਕਹੇ,
ਕਦੇ ਮਿਲਾਂਗੇ ਤੈਨੂੰ ਆ ਕੇ,
ਜੇ ਜਿਉਂਦੇ ਅਸੀਂ ਰਹੇ।
ਅਸੀਂ ਪੰਛੀਆਂ ਦੇ ਵਾਂਗੂੰ,
ਮਾਰੀ ਦੂਰ ਦੀ ਉਡਾਰੀ।
ਪਿਆ ਉਥੇ ਜਾ ਚੁਗਣਾ,
ਰੱਬ ਜਿੱਥੇ ਚੋਗ ਖਿਲਾਰੀ।
ਹੁੰਦੀ ਦਿਲ ਨੂੰ ਨਾ ਤਸੱਲੀ,
ਤਾਹੀਓਂ ਨਾ ਟਿਕ ਕਿਤੇ ਬਹੇ,
ਕਦੇ ਮਿਲਾਂਗੇ ਤੈਨੂੰ ਆ ਕੇ,
ਜੇ ਜਿਉਂਦੇ ਅਸੀਂ ਰਹੇ।
ਲੈਂਦੇ ਰਿਸਕ ਨਾ ਕਦੇ,
ਮਾਰ ਗਈ ਸੀ ਗਰੀਬੀ।
ਪੈਸੇ ਦੇ ਕੇ ਅਸੀਂ ਯਾਰੋ,
ਮੌਤ ਆਪਣੀ ਏ ਖਰੀਦੀ।
ਭੁੱਖੇ ਰਹਿ ਕੇ ਰਾਹਾਂ ਵਿੱਚ,
ਬੜੇ ਦੁੱਖ ਅਸੀਂ ਸਹੇ,
ਕਦੇ ਮਿਲਾਂਗੇ ਤੈਨੂੰ ਆ ਕੇ,
ਜੇ ਜਿਉਂਦੇ ਅਸੀਂ ਰਹੇ।
ਮੁਲਕ ਆਪਣੇ ‘ਚ ਛੱਡ,
ਚੰਗੀ ਭਲੀ ਸਰਦਾਰੀ,
ਇੱਥੇ ਕਰਾਂ ਹੁਣ ਮਜਦੂਰੀ,
ਗਈ ਮੱਤ ਮੇਰੀ ਮਾਰੀ,
ਕਿੰਨੇ ਰੁਲ ਗਏ ਪਰਦੇਸਾਂ,
ਦਲਵਿੰਦਰ ਠੱਟੇ ਵਾਲੇ ਜਹੇ,
ਕਦੇ ਮਿਲਾਂਗੇ ਤੈਨੂੰ ਆ ਕੇ,
ਜੇ ਜਿਉਂਦੇ ਅਸੀਂ ਰਹੇ।
ਕਦੇ ਮਿਲਾਂਗੇ ਤੈਨੂੰ ਆ ਕੇ,
ਜੇ ਜਿਉਂਦੇ ਅਸੀਂ ਰਹੇ।
-ਦਲਵਿੰਦਰ ਠੱਟੇ ਵਾਲਾ

2 COMMENTS

  1. Wah dalvinder veer ji jio har pardasi pishe majboori khadi eh veer ji kihda dil karda hasda vasda pariwar shad ke pardesa wich gulami karn nu jio veer ji aap ji de kalam vaqiea hi tareef de haqdar hai ji mailk aap ji nu hor taraki dave ji jio……
    1-2 linez mare walo ve ji……
    ਪੁਛ ਸਭਨਾ ਨੇ ਹੁਣ ਹਾਲ ਿਲਅਾ ਬਿਹ ਿਦਲ ਦੇ ਕੋਨੇ ਕੋਨੇ ਦਾ…..
    ਹੁਣ ਹਰ ਕੋੲੀ ੳੁਡਣਾ ਚਹੁਦਾ ੲੇ ਿੲਹ ਿਪੰਜ਼ਰਾ ਤੋੜ ਕੇ ਸੋਨੇ ਦਾ……
    ਨਾਂ ਸੋਚਾ ਨੂੰ ਪਰਵਾਜ਼ ਿਮਲੇ ਮਜ਼ਬੂਰੀ ਫੰਦ ਿਵਛਾੲੇ ਨੇ….ਵਸ ਹੋ ਕੇ ਸਭ ਮਜ਼ਬੂਰੀਅਾਂ ਦੇ ਹੁਣ ਿਵਚ ਪਰਦੇਸਾਂ ਅਾੲੈ ਨੇ….
    ਰੂਬੀ ਿਟਬਾ…

Comments are closed.